АҚШлик олимлар инсон ички аъзоларининг қариш тезлигини аниқлаш усулини топди
Тармоқда нима гап?
12.12.2023
1 002
Зарарли одатлар, нотўғри овқатланиш, камҳаракатлик, руҳий зўриқиш, ёмон экологик муҳит турли касалликларни келтириб чиқарувчи ва умрни қисқартирувчи омиллар.
Шу боис инсон танасидаги баъзи органлар ўзимизга нисбатан тезроқ қарийди. Бу жараён ҳар бир ички аъзода турлича кечиши мумкин.
Оқибатда маълум ёшга етгач, юрак, жигар, буйрак, ўпка, мия сингари ҳаётий муҳим органлар бора-бора ўз функциясини бажаролмай қолади.
АҚШнинг Стендфорд университети олимлари инсон ички аъзоларининг қариш тезлигини аниқлаш усулини топди. Бунинг учун 20 ёшдан 90 ёшгача бўлган 1400 нафар кўнгилли тадқиқот жараёнига жалб қилинди.
Олимлар клиник синовлар чоғида ҳар бир иштирокчидан қон таҳлили намуналарини олиб, барча органларнинг биологик ёшини кўрсатадиган 850 дан ортиқ оқсилни аниқлади.
Якунида 50 ва ундан катта ёшдаги одамларнинг 18,4 фоизида камида битта орган одатдагидан сезиларли даражада тезроқ қариши маълум бўлди.
Бу, келгуси 15 йил ичида ушбу ички аъзода жиддий касалликлар ривожланиш хавфи ортади, деганидир.
60 ёшдан катта аксарият иштирокчиларда эса бир вақтнинг ўзида икки орган тезроқ қариётгани кузатилди. Бу уларда ўлим хавфи олти ярим баравар юқорилигини англатади.
Тадқиқотчилар, агар мия тез қариса, 5 йилдан кейин хотира 1,8-марта ёмонлашади, юракнинг кексайиш жараёни жадаллашса, юрак етишмовчилиги эҳтимоли 2,5 баравар ошади, деган хулосага келишди.
Мутахассислар фикрича, бу янги диагностика усули ички аъзоларда юзага келадиган қатор жиддий касалликларнинг олдини олиш имконини бериши мумкин.
Улашиш:
Бошқалар
Банк сирига нималар киради ва қачон ошкор қилиниши мумкин? Муҳим 5 саволга жавоб
Банк, унинг мижози (вакили) ва Марказий банкидан ташқари бошқа барча шахслар учинчи шахслар ҳисобланади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — оиладаги ишончнинг кафолати
Никоҳ шартномаси — бу оддий қоғоз эмас.
Олий таълимда тарбиянинг янги устуни: Тьюторлик институти касбий босқичда
Қарорнинг энг муҳим янгилиги — тьюторлик лавозимининг мақомини оширишдир. Низомда тьюторлик асосий меҳнат фаолияти эканлиги аниқ белгиланди.
Мавзуга доир янгиликлар:
Ўзбекистонлик 10 мингдан ортиқ тиббиёт ходимлари Британияга ишга юборилади
Уларга 3 минг АҚШ доллари миқдорида ойлик маош тўлаш бўйича келишувга эришилди.
Тиббиёт ОТМларининг 200 нафар битирувчиси хорижда ўқитилади
Бунга оид Президент Қарори қабул қилинди.
Ўзбекистонда аҳолининг ўртача умр кўриш давомийлигини узайтириш бўйтча тиббиётга йўналтириладиган маблағлар ҳажми 2 баробарга оширилади
Шавкат Мирзиёев Ўзбекистон соғлиқни сақлаш соҳаси ходимларига байрам табриги йўллади.
Ўзбекистонликлар даромадининг деярли ярмини озиқ-овқатга сарфламоқда
Бутун дунёда истеъмол харажатлари ошиб бормоқда. Бу ҳақида халқаро тадқиқотлар билан шуғулланувчи Euromonitor International ташкилоти ўзининг навбатдаги маърузасида маълум қилди.