Наманганда 21 ёшли аёл ИИБга қўнғироқ қилиб, уйига ниқоб таққан ўғри кириб, бўйнига пичоқ тирагани, 1 яшар қизини ўлдириш билан қўрқитгани ва тилла-тақинчоқларини олиб кетгани ҳақида хабар беради. Ички ишлар вазирлиги ҳузуридаги Тергов департаментининг маълум қилишича, олиб борилган терговда ҳеч қандай ўғрилик ёки босқинчилик аниқланмаган. Аёл турмуш ўртоғи унга нисбатан беэътибор бўлаётганлиги сабабли унинг эътиборини ўзига жалб қил моқчи бўлган. Шу куни уйда ҳеч ким йўқлигидан фойдаланиб, қайнонасининг ётоқхонасидан 19 млн. 200 минг сўмлик тилла-тақинчоқларини олиб яширган. Бўйнига игна орқали шилинма тортиб, босқинчи пичоқ билан уни ўлдирмоқчи бўлгани ҳақида ёлғон хабар берган. Аёлнинг хонадони кўздан кечирилганда ўзи томонидан яширилган тилла тақинчоқлар ашёвий далил сифатида топилган. Маълум қилинишича, ҳозирда 21 ёшли Б.Мга нисбатан жиноий иш очилиб (ўта оғир жиноят содир этишда айблаб содир этилган ёлғон хабар бериш), “гаров” эҳтиёт чораси қўлланилган.