"Милан" ҳужумчиси Златан Ибрагимович фаолиятини якунлади. Бу ҳақда у Италия чемпионатининг сўнгги туридан ўрин олган “Милан” – “Верона” учрашувидан сўнг маълум қилди. “Футбол билан хайрлашиш вақти келди, лекин мен сиз азиз мухлислар билан хайрлашаётганим йўқ”, - деди машҳур ҳужумчи. 41 ёшли ҳужумчи жароҳати сабаб ушбу мавсумнинг аксарият қисмини ўтказиб юборди. "Малмё" тарбияланувчиси ёрқин фаолияти давомида "Aякс", "Ювентус", "Интер", "Барселона", "ПСЖ" ва "Манчестер Юнайтед" каби клубларда ўйнаган ва улар билан кўплаб нуфузли совринларни қўлга киритган. Ибрагимович 2001 йилдан бери Швеция терма жамоаси сафида 122 та ўйин ўтказиб, 62 та гол урган ва 25 та голга ассистентлик қилган. Ҳужумчи Швеция терма жамоаси тарихидаги энг яхши тўпурар бўлиб, 12 марта ўз мамлакатида йилнинг энг яхши футболчиси деб топилган.