Жорий йилнинг 28 сентябрь куни соат 02:43 да Тошкент шаҳри, Сергели тумани, Хонобод кўчаси 3-уй манзилида жойлашган “Inter Logistics“ МЧЖга қарашли 18,4 гектар ер майдонда жойлашган омборхонада тахминан 10 000 кв. м. майдонда ёнғин келиб чиққан. Ҳодиса оқибатида бир киши ҳалок бўлиб, 163 киши турли даражада тан жароҳатлари олган. Юз берган ҳодиса оқибатларига қарши кураш ишлари давом эттирилмоқда. Портлаш кучидан объект атрофидаги кўп қаватли уйлар ва бошқа биноларга турли даража зарар етган. Воқеага жойига ФВВнинг барча бўлинмалари, кўплаб тез ёрдам машиналари, ҳокимлик ва барча куч тузилмалари вакиллари етиб борган. Мазкур ҳолат юзасидан ИИВ Тергов департаменти томонидан Ўзбекистон Республикаси ЖКнинг 259-моддаси (Ёнғин хавфсизлиги қоидаларини бузиш) 2-қисми “а” ва “б” бандлари билан жиноят иши қўзғатилган. Hudud24.uz мухбирлари ёнғин ҳудудидан фоторепортаж тайёрлади. Ҳудудда асосан 3-4 та кўп қаватли уйлар зарар кўрган. Мудҳиш ҳодиса сабаб одамларнинг ҳали қўрқуви кетгани йўқ. Кимдир ҳали ҳам уйига қайтиб киришга юраги бетламай кўчада юрибди, кимдир шиша синиқлари кириб кетган оёғини зўрға босиб ҳорғин юрибди. Аёллар қисман вайрон бўлган уйларини қайси томондан бошлаб йиғиштиришни билишмайди, уйга кириб яна ўша оғриқни ҳис этишга юраклари дов бермайди. Божхона омборхонасининг ёнғиндан куйиб кул бўлган кўриниши. ФВВ масъулларининг маълум қилишича, ёнғин ҳали тўлиқ бартараф этилмаган. Тошкент шаҳар адлия бошқармаси ходимлари талофат кўрган одамларга давлат томонидан қандай ёрдам кўрсатилиши борасида одамларга ҳуқуқий тушунтиришлар беряпти Мадҳия Авазова, Жамшид Мирқосимов                                                                    [caption id="attachment_21423" align="aligncenter" width="1280"] ФОТО: Hudud24.uz[/caption]