Тожикистон Президенти Эмомали Раҳмон 27 август куни мамлакатнинг қатор вилоятларида рўй берган кучли ёғингарчилик ва унинг оқибатида юзага келган табиий офатлар оқибатида ҳалок бўлган фуқароларнинг оила аъзолари ҳамда яқинларига ҳамдардлик билдирди. Тожикистоннинг “Ховар” миллий ахборот агентлиги маълумотига кўра, Ваҳдат ва Рудакий ҳудудларида кузатилган кучли ёғингарчилик оқибатида 13 киши, жумладан, Ваҳдатда 11 ва Рудакий ҳудудларида 2 киши ҳалок бўлган. Давлати раҳбари, шунингдек, мамлакат Бош вазири, Фавқулодда вазиятлар ва фуқаро мудофааси қўмитаси, шунингдек, бошқа тегишли тузилма ва идораларга табиий офат натижасида ҳалок бўлганларнинг оила аъзоларига ёрдам кўрсатиш, фавқулодда ҳодиса оқибатларини бартараф этиш бўйича тезкор чора-тадбирлар кўриш юзасидан тегишли топшириқлар берди.