Жорий йилнинг 8 ноябрь куни Ўзбекистон делегацияси Афғонистоннинг Балх вилоятидаги Ҳайратон шаҳрига борган. “Ўзбекистон темир йўллари” акциядорлик жамияти раиси Зуфар Нарзуллаев ва “Толибон” томонидан Афғонистон темир йўллари бошқармаси бошлиғи этиб тайинланган Бахт-ар-Раҳмон Шарафат ўртасида музокаралар бўлиб ўтган. Томонлар темир йўл транспорти соҳасидаги ҳамкорликни муҳокама қилган ва Хайратон – Найбобод – Мозори Шариф қисмини реконструкция қилишни бошлашга келишиб олган.  Модернизация ишлари Ўзбекистонлик мутахассислар томонидан амалга оширилади. “Ўзбекистон темир йўллари” матбуот хизмати Афғонистон учун темир йўлларнинг қурилиши ва модернизация қилиниши савдо ва иқтисодиётни мустаҳкамлаш учун янги истиқболларни очишини маълум қилган.