Ҳукумат қарори лойиҳасига кўра, жамият ҳаётида фаол иштирок этаётган фуқароларга “Жамиятдаги фаол фуқаро” мақоми берилиши таклиф этилмоқда. Бундай фуқаролар “Фаол фуқаро” нишони билан тақдирланади, уларнинг уйига эса махсус белги ўрнатилади.
 

Шунингдек, уларга қуйидаги имтиёзлар берилиши кўзда тутилмоқда:

🔵давлат хизматларини кўрсатиш чоғида қонунчилик ҳужжатларида белгиланган йиғим ва тўловлар (давлат божидан ташқари) бўйича 10 фоиз чегирма;

🔵давлат олий таълим ташкилоти ва жисмоний шахс ўртасида таълим олиш учун тузилган шартнома (контракт) тўлови миқдорининг 5 фоизини қоплаб бериш;

🔵автотранспорт воситаси хариди учун кредитларнинг бошланғич бадали 3 фоизини қоплаб бериш (базавий ҳисоблаш миқдорининг 20 бараваридан ошмаган ҳолда);

Фуқаролар ушбу мақомни олиш учун Давлат хизматлари марказлари ёки my.gov.uz орқали мурожаат қилиши мумкин бўлади.