Бугун, 20 январь куни “Ватанпарварлик ва миллий қадрият” мавзусида Адлия вазирлиги раҳбарияти ва ёшлар учрашуви бўлиб ўтди.

Учрашув ёшлар онгида қонунга ҳурматни шакллантириш руҳида тарбиялаш, жамиятда ёшлар ролини ошириш, маънавий-интеллектуал салоҳияти ва дунёқарашини юксалтириш, уларни миллий қадрият ва анъаналарга ҳурмат руҳида тарбиялаш, ёшларда ватанпарварлик, мардлик ва жасурлик туйғуларини шакллантириш мақсадида ташкил этилди.

Тадбирда “Тенгдош тенгдошга” тамойили асосида маҳаллалар, таълим муассасалари ва меҳнат жамоаларида талаба ёшлар томонидан “Ҳуқуқий тарғибот кунлари” тадбирларини ўтказиш бўйича тавсиялар берилди.

Шунингдек, ушбу тадбирларда талаба ёшлар томонидан “Ҳуқуқий заковат” интеллектуал ўйинларини ўтказишни ташкил қилиш, ёшлар ўртасида ҳуқуқий тарғибот акцияларини ўтказиш, уларнинг онгида қонунга бўйсуниб яшаш ва ҳуқуқбузарликларга нисбатан муросасиз муносабатни шакллантиришни кенг тарғиб қилиш, соғлом турмуш тарзини тарғиб қилишга қаратилган тадбирларни (оммавий спорт мусобақалари ва спорт тўгараклари) ташкил этиш, ҳарбий хизматнинг хусусиятлари орқали тарбиялаш тизимини йўлга қўйиш, ёшлар бандлигини таъминлашга, оилавий тадбиркорлик дастурлари доирасида кредит олиши, субсидия ажратилишига кўмаклашиш, касб-ҳунар ва тадбиркорлик ўқув марказларига юбориш, мафкуравий иммунитетни мустаҳкамлаш, бунда экстремистик, террористик материалларни тарқатишнинг олдини олиш бўйича манзилли тарғибот ишларини йўлга қўйиш борасида қилинаётган ишлар хусусида мулоқот қилинди.

Шунингдек, ёшларга адлия тизимидаги ютуқлар, тизимдаги ёшларнинг фаолияти, адлия органларига ишга қабул қилиш жараёнлари ҳақида маълумот берилди.

Очиқ ва самимий мулоқотда ёшлар мавзу юзасидан берилган саволларига жавоблар олишди.