Дам олиш кунлари Ўзбекистон бўйлаб қандай об-ҳаво кузатилади?
Ўзбекистон
22.12.2023
829
“Ўзгидромет” дам олиш кунлари учун об-ҳаво прогнозини маълум қилди.
Унга кўра, 22 декабрь ва 23 – 24 декабрь кунлари Ўзбекистон ҳудудига жанубдан илиқ ҳаво кириб келиши давом этади ва ҳарорат кўтарилади.
Жума куни куннинг иккинчи ярмида ҳаво 8-13 даража илиққача, шанба ва якшанба кунлари эса 12-17 даража илиққача исийди. Кечалари ҳам ҳаво илиқ бўлади, якшанба кунига келиб ҳарорат кечаси 2-7 даража илиққача кўтарилади.
Бу кунларда ҳаво бироз булутли бўлади, баъзи жойларда ўзгариб туради, ёғингарчилик кутилмайди. Фақат айрим тоғолди ва тоғли ҳудудларда 24 декабрь, якшанба куни асосан ёмғир кўринишидаги ёғингарчилик бўлиши мумкин.
Республика бўйича баъзи жойларга кечаси ва эрталаб туман тушиши мумкин, Фарғона водийсининг айрим жойларига туман тушиши кундузи ҳам сақланиб туради.
24 декабрда республика бўйича баъзи жойларда шамол тезлиги 15-20 метр/секундгача кучайиши мумкин.
Тошкентда 22–24 декабрь кунлари ёғингарчилик кутилмайди. Кечаси ва эрталаб баъзи жойларга туман тушиши мумкин. Шамол шарқдан бироздан ўртачагача эсади.
Ҳарорат жума куни кундузи 10-12 даража илиқ бўлади, шанба ва якшанба кунлари эса кечалари 3-5 даража илиққача, кундуз кунлари 14-16 даража илиққача аста-секин кўтарилади.
Улашиш:
Бошқалар
Банк сирига нималар киради ва қачон ошкор қилиниши мумкин? Муҳим 5 саволга жавоб
Банк, унинг мижози (вакили) ва Марказий банкидан ташқари бошқа барча шахслар учинчи шахслар ҳисобланади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — оиладаги ишончнинг кафолати
Никоҳ шартномаси — бу оддий қоғоз эмас.
Олий таълимда тарбиянинг янги устуни: Тьюторлик институти касбий босқичда
Қарорнинг энг муҳим янгилиги — тьюторлик лавозимининг мақомини оширишдир. Низомда тьюторлик асосий меҳнат фаолияти эканлиги аниқ белгиланди.
Мавзуга доир янгиликлар:
Бугун Ўзбекистонда ҳарорат бироз пасаяди
Ўзгидромет хабарига кўра, бугун кундузи республика бўйича ёғингарчилик кутилмайди.
Дам олиш кунлари беқарор об-ҳаво кузатилади
Ўзгидромет 8-11 март кунлари кузатиладиган об-ҳаво прогнозини эълон қилди.
Ўзбекистонликлар дам олиш кунларини қандай об-ҳаво билан ўтказади?
Ўзгидромет 20-21 январь куни кузатиладиган об-ҳаво прогнозини эълон қилди.
“Ўзгидромет” байрам арафасида аҳолини шошилинч огоҳлантирди
Байрам кунлари ёғингарчилик ва ҳароратнинг кескин ўзгариши кутилмоқда.