currencies image

12 038,68 UZS

15,78

usd

currencies image

14 044,32 UZS

18,40

eur

currencies image

146,62 UZS

1,87

ru



АсосийЯнгиликлар“Dok-1 maks” жиноят иши: қаноатлантирилган илтимоснома, кўрсатмасини ўзгартирган судланувчи

“Dok-1 maks” жиноят иши: қаноатлантирилган илтимоснома, кўрсатмасини ўзгартирган судланувчи

Суд очерклари

calendar

15.01.2024

eye

727

“Dok-1 maks” жиноят иши: қаноатлантирилган илтимоснома, кўрсатмасини ўзгартирган судланувчи

Тошкент шаҳар судида “Dok-1 Maks” иши бўйича навбатдаги суд мажлиси бўлиб ўтди. Суд жараёнига судья Мусо Юсупов раислик қилмоқда.

Икки кун аввалги суд мажлисида судланувчи - Ўзбекистон Республикаси Соғлиқни сақлаш вазирлиги ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” давлат унитар корхонаси собиқ раҳбари С.К тергов жараёнида ўзига нисбатан қийноқ қўлланилиб, руҳий тазйиқ ўтказилганини таъкидлаб, суддан мазкур ҳолатга ҳуқуқий муносабат билдиришни сўраганди. Қолаверса, бугунги суд мажлисида унинг адвокати қўлланилган қийноқ бўйича суд-тиббий экспертизаси ўтказишни сўраб, илтимоснома киритди.

Албатта, тергов органлари томонидан шахсга нисбатан қийноқ қўлланилиши Президент томонидан олиб борилаётган суд-ҳуқуқ ислоҳотларига зиддир. Шу боис суд адвокатнинг илтимосномасини қаноатлантириш юзасидан ажрим чиқарди.

Ўтган галги суд мажлисида ишга айбланувчи тариқасида жалб этилиб, қамоқ эҳтиёт чораси қўлланилган марказ бош мутахассис Ф.Т Тожикистон Республикаси томонидан берилган гувоҳномани сохталаштирган ҳолда дори воситасини давлат рўйхатидан ўтказишга ёрдам бергани эвазига ҳиндистонлик судланувчидан 2 маротаба 1100 АҚШ долларидан олганини бўйнига олганди. Бироқ хорижлик судланувчи бу кўрсатмаларни инкор этиб, пора тариқасида пул бермаганини билдирди.

Шунингдек бугун судланувчи Ж.Э.нинг адвокати ҳам илтимоснома киритиб, мижозига нисбатан қўлланилган қамоқ эҳтиёт чорасини ўзгартиришни сўради. Аммо суд мазкур илтимосномани барвақт берилган деб топиб, қаноатлантиришдан рад этди.

Суд келаси ҳафта ўз ишини давом эттиради.

 

Хуршид СУЛТОНОВ,

журналист

Улашиш:

Бошқалар

8-сентябр 2025, 07:27
803

Талабаларнинг ижара тўловларини бир қисмини қоплаб бериш тартиби қандай?

Битта турар жойда икки ва ундан ортиқ талаба ижара ҳуқуқи асосида яшаган ҳолатларда, уларнинг барчаси ижара шартномасида қайд этилган бўлишлари шарт.


9-сентябр 2025, 04:22
638

Судларга мурожаат қилишда ногиронлиги бўлган шахслар қандай ҳуқуқ ва имтиёзларга эгалар?

Ногиронлиги бўлган шахсларга судларга алоҳида ўзлари мурожаат қилинган ҳолларда мазкур имтиёз қўлланилмайди.


16-сентябр 2025, 10:26
601

Жисмоний ва юридик шахслар учун адвокат билан шартнома тузишда билиши зарур бўлган муҳим фактлар

Адвокат билан тузиладиган шартнома — ҳуқуқий хизматлар кўрсатиш жараёнини тартибга соладиган асосий ҳужжат ҳисобланади.


12-сентябр 2025, 04:08
553

Айирбошлаш шартномасини тузиш тартиби қандай?

Айирбошлаш шартномасига нисбатан тегишинча олди-сотди тўғрисидаги қоидалар қўлланади.

Мавзуга доир янгиликлар: