БМТ Бош котиби вакили Стефан Дюжаррикнинг айтишича, Исроил ва Фаластин ўртасидаги зиддият туфайли Ғазо секторининг 1,5 миллионга яқин аҳолиси ўз уйларини ташлаб кетишга мажбур бўлган. “Ғазода ҳалигача электр йўқ. 1,5 миллионга яқин одам ўз уйини ташлаб кетишга мажбур бўлди, 700 мингдан ортиқ киши назоратсиз бошпаналарда бошпана топди. Ушбу объектларнинг 150 таси ўз имкониятларидан ташқарида тўлдирилган”, деди Дюжаррик. Қайд этиш мумкин, Ғазо секторидаги қарама-қаршилик шу йилнинг 7 октябрь куни бошланган эди. Шу куни эрталаб ҲАМАС Исроилга қарши “Ал-Ақса тўфони” деб номланган ҳарбий операция бошлади ва ҳаводан зарбалар берган. Шундан сўнг Исроил Бош вазири Бинямин Нетаньяху мамлакат уруш ҳолатида эканлигини эълон қилган. Мамлакат мудофаа кучларининг жавоб операцияси “Темир қиличлар” деб аталган.