Қорақалпоғистонда бир оиладан 5 киши газдан заҳарланиб, вафот этди
Ўзбекистон
20.12.2023
849
Қорақалпоғистонда бир оиланинг 7 нафар аъзоси ис газидан кучли заҳарланди. Бу ҳақда Hudud24.uz'га Бош прокуратура матбуот котиби Ҳаёт Шамсутдинов хабар берди.
Маълум қилинишича, жорий йилнинг 15 декабрь куни соат 11:45 ларда Чимбой тумани “Кеңес” ОФЙ ҳудудида яшовчи фуқаронинг хонадонида ўзи ва 6 нафар оила аъзоларининг хушсиз ҳолатда ётганлиги қўшнилари томонидан аниқланган.
Шу вақтда тез тиббий ёрдам шифокорлари чақиртирилиб, текширилганида ушбу хонадонда яшаган 1957 йилда туғилган М.Б., 1961 йилда туғилган З.М., 1986 йилда туғилган С.Б., 2008 йилда туғилган А.А. ва 2011 йилда туғилган М.А. вафот этганлиги аниқланган. Шунингдек, 1995 йилда ва 2000 йилда туғилган оиланинг икки нафар аъзоси бўлган йигитлар оғир аҳволда хушсиз ётганлиги аниқланиб, туман тиббиёт бирлашмасига ётқизилган.
Терговга қадар текширув ҳаракатлари давомида, ушбу ҳолатда ис газидан заҳарланиш аломатлари мавжуд бўлиб, уйнинг иситувчи қозонхонаси уй ичида ёниб турганлиги аниқланган.
Мазкур ҳолат бўйича Чимбой туман прокуратураси томонидан суд-тиббиёт экспертизаси тайинланиб, терговга қадар текширув ҳаракатлари олиб борилмоқда ва ҳодисанинг келиб чиқиш сабаблари ўрганилмоқда.
Улашиш:
Бошқалар
Банк сирига нималар киради ва қачон ошкор қилиниши мумкин? Муҳим 5 саволга жавоб
Банк, унинг мижози (вакили) ва Марказий банкидан ташқари бошқа барча шахслар учинчи шахслар ҳисобланади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — оиладаги ишончнинг кафолати
Никоҳ шартномаси — бу оддий қоғоз эмас.
Олий таълимда тарбиянинг янги устуни: Тьюторлик институти касбий босқичда
Қарорнинг энг муҳим янгилиги — тьюторлик лавозимининг мақомини оширишдир. Низомда тьюторлик асосий меҳнат фаолияти эканлиги аниқ белгиланди.
Мавзуга доир янгиликлар:
Ўзбекистонда уч йилда 421 киши ис газидан ҳалок бўлди — Сенат
Сенатнинг Мудофаа ва хавфсизлик масалалари қўмитаси мажлисида ис газидан заҳарланиш ҳолатлари йилдан-йилга ортиб бораётгани қайд этилди.
Самарқандда 3 киши газдан заҳарланиб вафот этди
Заҳарланганларнинг энг кичиги 4 ёш атрофида бўлган.
Эронда ўқувчи қизлар газдан заҳарланяпти: бу уларнинг мактабга бормаслиги учун атайлаб уюштирлаётган бўлиши мумкин
10 дан ортиқ мактаб ва битта талабалар турар жойи газ туфайли кимёвий-биологик ҳужумга учраган. Расмий ҳукумат ҳужумларни уюштирганликда Исроилни, мухолифат эса Ислом инқилоби қўриқчилари корпусини айблаган. Кўплаб маҳаллий телеграм каналлари ҳужумлар асосан талаба қизларга қаратилганини таъкидлаб, Толибон ва Ал-Қоида гуруҳларини айбламоқда.