Кореяда намойиш этилган Ўзбекистон ҳақидаги кўрсатув рекорд даражада томошабин йиғди
Ўзбекистон
24.07.2023
1 116
Жанубий Кореянинг етакчи медиа компанияси ҳисобланган “Korean Broadcasting System” (KBS) миллий телеканали орқали Ўзбекистон туризм имкониятлари ҳақида “Ўзбекистон, Буюк Ипак йўли бўйлаб вақт саёҳати” номли ҳужжатли фильм намойиш этилган. 1 июль куни эфирга узатилган теледастур Кореядаги телетомошабинларнинг 4.8 фоизини қамраб олган. Бу йил бошидан буён KBS миллий телеканалида эфирга узатилган кўрсатувлар қамрови бўйича иккинчи рекорд кўрсаткич ҳисобланади. Қайд этилишича, мазкур ҳужжатли фильм Ўзбекистон туризм салоҳиятини хорижий давлатларда кенг тарғиб этиш ва бу орқали мамлакатга ташриф буюрувчи сайёҳлар оқимини янада ошириш мақсадида Кореянинг “Korean Broadcasting System” (KBS) миллий телеканали ижодкорлари томонидан жорий йилнинг июнь ойида тасвирга олинган эди. Тасвирга олиш гуруҳи Қорақалпоғистон Республикаси, Тошкент шаҳри, Фарғона, Самарқанд, Бухоро, Навоий вилоятларида бўлиб, фильмда ўзбек халқининг маданияти ва анъаналари, замонавий туристик инфратузилмаси, миллий таомлари ҳамда меъморий ёдгорликлари ҳақида ҳикоя қилади. Маълумот учун, “Дунё бўйлаб пиёда саёҳат қилиш” телелойиҳаси KBSнинг энг яхши саёҳат дастури бўлиб, Кореянинг потенциал сайёҳлари орасида энг машҳур дастурлардан бири ҳисобланади. Ўзбекистон ҳақида ушбу теледастур орқали бундан олдин 3 та катта материал кенг ёритиб ўтилган.
Улашиш:
Бошқалар
Банк сирига нималар киради ва қачон ошкор қилиниши мумкин? Муҳим 5 саволга жавоб
Банк, унинг мижози (вакили) ва Марказий банкидан ташқари бошқа барча шахслар учинчи шахслар ҳисобланади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — оиладаги ишончнинг кафолати
Никоҳ шартномаси — бу оддий қоғоз эмас.
Олий таълимда тарбиянинг янги устуни: Тьюторлик институти касбий босқичда
Қарорнинг энг муҳим янгилиги — тьюторлик лавозимининг мақомини оширишдир. Низомда тьюторлик асосий меҳнат фаолияти эканлиги аниқ белгиланди.
Мавзуга доир янгиликлар:
Ўзбекистон Netflix ва “Amadeus” платформалари билан ҳамкорлик қилади
Туризмни тарғиб қилишда BBC, CNN, “Euronews” жаҳон телекомпаниялари билан ҳам келишувга эришилган.
Садир Жапаров рафиқаси билан Ўзбекистонга келди
Меҳмонни Тошкент халқаро аэропортида Бош вазир Абдулла Арипов ва бошқа расмийлар кутиб олди.
Ўзбекистон Фаластинга гуманитар ёрдам сифатида 1,5 млн доллар ажратди
Президентнинг бунга оид қарори қабул қилинди.
Ўзбекистоннинг Сеулдаги элчихонаси фуқароларга огоҳлантириш билан чиқди
Ўзбекистоннинг Жанубий Кореядаги элчихонаси ушбу давлатда бўлиб турган ватандошларга шу кунларда одамлар гавжум тадбирлар, турли хилдаги митинг ва намойишларда қатнашмасликни тавсия қилди.