Одам ўғирлаш ва бошқа жиноятлар билан шуғулланган жиноий гуруҳ қўлга олинди
Ўзбекистон
17.05.2023
1 427
Жиноий гуруҳ аъзоларидан бири ЙПХ инспектори формасини кийиб, фуқарони йўлда тўхтатади ва уни ўғирлайди. Улар жабрланувчидан 7 минг АҚШ долларини босқинчилик йўли билан қўлга киритган ва ундан яна катта пул талаб қилган. Ушбу шахслар агарда сўралган пулларни бермаса жабрланувчининг бармоқларини кесиб, оила аъзоларини ўлдириш билан қўрқитган. Жабрланувчи ўзини олиб кетаётган машинадан тушиб қолиб, одамларни ёрдамга чақирган. Жиноят ишлари бўйича Олмазор туман судининг ҳукми билан 1980 йилда туғилган cудланувчи ЖКнинг 137-моддаси (одам ўғирлаш) 2-қисмининг “б, в” бандлари, 28,164-моддаси (босқинчиликда ташкилотчи) 2-қисмининг “а, б, в” бандлари, 165-моддаси (товламачилик) 3-қисмининг “а” банди, 28,267-моддаси (транспорт воситасини олиб қочишда ташкилотчи) 2-қисмининг “б, в” бандларида назарда тутилган жиноятларни содир қилганликда айбли деб топилди ва 15 йил озодликдан маҳрум қилинди. Қолган уч нафар судланувчилар “одам ўғирлаш”, “босқинчилик”, “товламачилик”, “транспорт воситасини олиб қочиш” жиноятларни содир қилганликда айбли деб топилди. 1997 йилда туғилган cудланувчига 13 йил 6 ой, ва 1981 йилда туғилган судланувчига 13 йил 9 ой, 1994 йилда туғилган cудланувчига эса 14 йил озодликдан маҳрум қилиш жазоси тайинланди. Судланувчилардан солидар тартибда жабрланувчи фойдасига 437 139 548 сўм ундирилиши белгиланди.
Улашиш:
Бошқалар
Банк сирига нималар киради ва қачон ошкор қилиниши мумкин? Муҳим 5 саволга жавоб
Банк, унинг мижози (вакили) ва Марказий банкидан ташқари бошқа барча шахслар учинчи шахслар ҳисобланади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — оиладаги ишончнинг кафолати
Никоҳ шартномаси — бу оддий қоғоз эмас.
Олий таълимда тарбиянинг янги устуни: Тьюторлик институти касбий босқичда
Қарорнинг энг муҳим янгилиги — тьюторлик лавозимининг мақомини оширишдир. Низомда тьюторлик асосий меҳнат фаолияти эканлиги аниқ белгиланди.
Мавзуга доир янгиликлар:
Машинани ЙПХ ходимининг устига ҳайдаган ҳайдовчи қамалди
Ҳодиса юзасидан терговга қадар текширув ҳаракатлари олиб борилган ва Фарғона шаҳар судида кўриб чиқилган.
Тошкент вилоятида қотилликда гумонланаётган жиноий гуруҳ қўлга олинди
Тармоқларда тарқалаётган видеотасвирда Ғазалкент шаҳрида ИИВ ходимлари томонидан Тошкент шаҳри Олмазор туманида содир этилган қотилликда гумонланаётган жиноий гуруҳ аъзоларини қўлга олиш жараёни акс этган.
Самарқандда ота “права”сиз автомобиль бошқарган ўғлини ЙПХ ходимларидан қочишга ундади
Хоразмда фуқародан кўчада тинч юриши учун 10 минг доллар талаб қилган жиноий гуруҳ қўлга олинди
Жиноий гуруҳ аъзолари 3 ой ичида ушбу шахсдан 58 миллион сўм олган. Яна 10.000 АҚШ доллари талаб қилиб, топиб келмаса машинасини тортиб олиб қўйиш билан қўрқитган.