Ўзбекистон
01.04.2024
692
Ўзбекистон Республикаси Олий таълим, фан ва инновациялар вазири Қўнғиротбой Шарипов ва Хитой Халқ Республикасининг Шинжон-Уйғур автоном вилояти ҳукумати раиси Эркин Тунияз Ўзбекистон фуқароларига Хитой олий таълим муассасаларида ўқиш учун стипендиялар тақдим этиш тўғрисидаги келишувни имзоладилар.
Томонлар олий таълим муассасалари ва илмий муассасалар ўртасида тўғридан тўғри ҳамкорлик алоқаларини ўрнатиш, таълим, илмий тадқиқотлар, технология ва менежмент соҳасида тажриба алмашишни қўллаб-қувватлаш, ўзаро ташрифлар ҳамда ўқитувчилар ва илмий ходимлар алмашинувини амалга оширишга келишдилар. Шунингдек, қўшма тадқиқот гуруҳларини яратиш, ҳамкорликда илмий тадқиқотларни олиб бориш ҳам келишувнинг узвий қисми бўлди.
Шартномага кўра, Хитой томони ҳар йили ноябрь ойининг охиригача Ўзбекистон Республикаси фуқаролари Хитойда таҳсил олиши мумкин бўлган олий ўқув юртлари рўйхатини, шунингдек, стипендия дастурлари шартлари ва талаблари тўғрисидаги маълумотларни тақдим этади. Ўзбекистон Республикаси Олий таълим, фан ва инновациялар вазирлиги эса Хитой Халқ Республикасининг Шинжон-Уйғур автоном туманидаги университетларда ўқиш учун тавсия этилган талабалар рўйхатини тақдим этади.
Чет эл фуқаролари орасидан стипендия эгалари учун ўқиш муддати миллий таълим тизими талабларига мувофиқ қабул қилувчи томон томонидан белгиланади. Хитойда ўқиш учун номзодлар маълум даражадаги хитой тилини билиши талаб этилади. Зарур ҳолларда стипендияга тавсия этилган талабалар учун тил курсларини ташкил қилиниши мумкинлиги ҳам инобатга олинган.
Бирламчи келишувга кўра, стипендиялар ўқиш, тўловлар ва турар жой, суғурта мукофотлари (шу жумладан, тиббий суғурта) ва яшаш харажатларининг бир қисмини қоплаши назарда тутилмоқда.
Улашиш:
Бошқалар
Ўқишини кўчиришга оид: муҳим 7 саволга жавоб
Ўзим яшайдиган ҳудудга ўқишимни кўчирсам, ўқишни тўлов-контрак асосида давом эттираманми?
“Эл-юрт умиди” жамғармаси орқали хорижда бепул ўқиш: муҳим 5 саволга жавоб
Жамғарма томонидан ҳужжатлар текширилиб, танлов талабларига тўғри келадиганлар саралаб олинади.
Никоҳланувчилардан бири носоғлом бўлса, никоҳ тузиладими?
Оила кодексининг 14-моддасига кўра, никоҳ фақат тарафларнинг ўзаро розилиги асосида тузилади.
Кимга неччи соат – умумтаълим муассасаларида дарс соатлари қандай тақсимланади?
Қонунчиликка кўра, умумтаълим муассасалари умумий ўрта таълимнинг таянч ўқув режаси асосида ҳар йили 10 сентябрга қадар умумтаълим муассасасининг дарс соатлари сеткасини шакллантиради.
Саудия Ўзбекистон ОТМлари билан ҳамкорликни кенгайтиради
Ўзбекистонлик талабаларни Саудиянинг етакчи университетларида грант асосида таълим олиш имкониятини кўпайтириш масаласи муҳокама қилинди.
Тошкентда Марказий Осиё ва Кўрфаз араб давлатлари ташқи ишлар вазирларининг иккинчи учрашуви бўлиб ўтмоқда
Бугун Тошкент шаҳрида «Марказий Осиё – Кўрфаз араб давлатлари ҳамкорлик кенгаши» Стратегик мулоқоти ташқи ишлар вазирларининг иккинчи учрашуви бўлиб ўтмоқда.
Ўзбекистонлик шифокор ва ҳамшираларни ишга жалб қилиш бўйича Буюк Британия компанияси билан келишув тузилди
Ўзбекистон элчихонасида Буюк Британияда хориждан юқори малакали шифокорлар ва ҳамшираларни иш билан таъминлашга ихтисослашган "Triple West Medical" рекрутинг компанияси директори Гурол Махмут билан учрашув ўтказилди.
Қозоғистон Президенти Тўқаев расмий ташриф билан Ўзбекистонга келди
Урганч халқаро аэропортида олий мартабали меҳмонни Президент Шавкат Мирзиёев шахсан кутиб олди.