Маҳаллаларда аҳоли бандлигини таъминлаш ва оилавий тадбиркорликни қўллаб-қувватлаш бўйича янги имкониятлар яратилмоқда.

Эндиликда ўзини ўзи банд қилган фуқаролар 50 млн сўмгача гаровсиз кредит олиши мумкин.

Аризалар “Oilakredit.uz” платформаси орқали ҳоким ёрдамчиси тавсияси асосида қабул қилинади. Банкка бориш шарт эмас.

“Оғир” туман ва маҳаллаларда кредитлар йиллик 12 фоиз ставкада ажратилмоқда.

Яна бир муҳим янгилик: ижтимоий реестрга киритилган оилаларни кооперацияга жалб қилган тадбиркорларга ҳар бир оила учун 50 млн сўмдан, жами 5 млрд сўмгача гаровсиз кредит берилади.

2026 йил 1 октябрдан эса ўзини ўзи банд қилган шахслар ва кичик бизнес субъектлари кредитлари фоизининг бир қисми компенсация қилинмоқда.