Савол: Мен ID-карта олишим керак. Нима қилишим кераклигини босқичма-босқич тушунтира оласизми?

 

Ха, албатта. Ҳар бир фуқаро шахсини тасдиқловчи ҳужжатга эга бўлиши лозим. Бунинг учун қуйидаги босқичлардан ўтишингизга тўғри келади:

1. Электрон мурожаат қилиш учун Ягона интерактив давлат хизматлари портали (ЯИДХП)да рўйхатдан ўтасиз;

2. ID-карта олиш учун электрон сўровномани тўлдирасиз ва автоматик тарзда Ички ишлар вазирлиги Миграция ва фуқароликни расмийлаштириш бўлинмаларига (ваколатли орган) юборасиз;

3. «Паспорт-виза» автоматлаштирилган ахборот тизими орқали сўровномага киритилган маълумотларнинг ҳаққонийлигини текширилади ва улар ҳаққонийлиги тасдиқланган тақдирда Сизга тегишли хабарнома юборилади;

4. ID-карта олиш учун белгиланган миқдордаги тўловни амалга оширасиз;

5. Сиз тегишли хабарномани олганингиздан сўнг зарур бўлган ҳужжатларни ва давлат божи тўланганлиги ҳақидаги квитанцияни (электрон тўлов тизимлари орқали тўланганда квитанция мажбурий эмас) ваколатли органга шахсан келиб тақдим этасиз;

6. Ваколатли орган ID-картани расмийлаштиради ва Сизга тақдим этади;

Шуни эътиборга олиш керакки, агарда сўровномада нотўғри маълумотлар кўрсатилган бўлса, ваколатли орган томонидан 1 иш куни ичида Сизга сўровномадаги хатоликларни бартараф этиш учун 5 иш кунидан иборат муддат берилганлиги тўғрисида хабарнома юборилади (электрон почта орқали ёки SMS-хабарнома). Белгиланган муддат ичида сўровномадаги хатоликлар бартараф этилмаса, сўровнома рад этилади.

Ушбу ҳужжат билан танишиб чиқинг, унда батафсил тартиб ёзилган:

https://lex.uz/docs/5809766#5811388