Мажбурий жамоат ишлари жазоси деганда маҳкумни ҳақ тўланмайдиган фойдали жамоат ишларини бажаришга мажбурий тарзда жалб қилиш тушунилади.  

 

Мажбурий жамоат ишлари нима?

Мажбурий жамоат ишлари — бу суд томонидан тайинланадиган жазо бўлиб, маҳкум:

— жамият фойдасига

— ҳақ тўланмайдиган

— бўш вақтларида бажариладиган ишларга жалб қилинади.

Бу ишларга одатда:

— ҳудудларни ободонлаштириш

— тозалик ишлари

— ижтимоий объектларда ёрдам бериш каби фаолиятлар киради.

Маҳкум ишлаётган ёки ўқиётган бўлса, мажбурий жамоат ишлари ишдан ёки ўқишдан бўш вақтда ўталади.

Мажбурий жамоат ишлари:

-бир юз йигирма соатдан тўрт юз саксон соатгача бўлган муддатга тайинланади;

-олти ой давомида кунига тўрт соатдан кўп бўлмаган вақтда ўталади;

-маҳкумга боғлиқ бўлмаган ҳолатлар юзага келган тақдирда эса, бир йилгача бўлган муҳлатда кунига тўрт соатдан кўп бўлмаган вақтда ўталади.

Мажбурий жамоат ишлари жазоси :

☑️пенсия ёшига етган шахсларга;

☑️ўн олти ёшга тўлмаган шахсларга;

☑️ҳомиладор аёлларга;

☑️уч ёшга тўлмаган болалари бор аёлларга;

☑️биринчи ва иккинчи гуруҳ ногиронлиги бўлган шахсларга;

☑️ҳарбий хизматчиларга;

☑️чет эл фуқароларига ва Ўзбекистон Республикасида доимий яшамайдиган шахсларга қўлланилмайди.

 

Наим Набиев,

Жиноят ишлари бўйича
Поп туман судининг судьяси