Британиянинг стартапларга сармоя киритишга ихтисослашган компанияси Самарқандда ваколатхонасини очмоқчи
#NoComment
02.03.2024
811
Ўзбекистоннинг Лондондаги элчихонасида Буюк Британиянинг “Sturgeon Capital”компанияси бош директори Кийан Зандия билан музокаралар ўтказилди, деб хабар бермоқда "Дунё" Ахборот агентлиги.
Қайд этилишича, мулоқот чоғида Ўзбекистонда амалга оширилаётган стартап лойиҳаларга Буюк Британиядан венчур инвестицияларини жалб қилиш масалалари муҳокама қилинган.
Кийан Зандиянинг айтишича, компания Ўзбекистон билан яқиндан ҳамкорлик қилиш, ўзбек ёшларининг истиқболли инновацион ғоялари ва стартап лойиҳаларини қўллаб-қувватлаш мақсадида жорий йилнинг апрель ойида Самарқанд вилоятида ўз ваколатхонасини очишни режалаштирмоқда.
Британиялик ҳамкорлар, шунингдек, жорий йилнинг 2-3 май кунлари ўтказилиши режалаштирилган III Тошкент халқаро инвестиция форумида қатнашишга тайёрлигини тасдиқлаган.
“Sturgeon Capital” компанияси 2010 йилда ташкил этилган бўлиб, Марказий Осиё мамлакатларида активларни бошқариш ва стартапларга сармоя киритишга ихтисослашган. Бугунги кунда “Sturgeon Capital” компанияси Ўзбекистондаги стартап лойиҳаларга қарийб 6,5 миллион АҚШ доллари миқдорида сармоя киритган.
Улашиш:
Бошқалар
Мактаб битирувчилари қандай ҳолатларда якуний аттестация топширишдан озод этилади?
Низомнинг иловасига мувофиқ тасдиқланган 59 турдаги якуний давлат аттестациясидан озод қилиш мумкин бўлган касалликларга асосан озод этилади.
Энергетика бўйича компенсация ва моддий ёрдамга оид 5 саволга 5 жавоб
Компенсация олиш учун “Инсон” ижтимоий хизматлар марказлари ёки маҳаллаларда фаолият юритувчи ижтимоий ходимларга мурожаат қилиш керак.
“Tashkent Law Spring” тўртинчи халқаро юридик форуми иштирокчиларига
Авваламбор, сизларни “Рақамли технологиялар даври: келажакка ҳуқуқий назар”мавзусидаги “Tashkent Law Spring” IV халқаро юридик форумининг очилиши билан самимий қутлайман.
Дам олиш ва овқатланиш учун танаффуслар қандай тартибда ва қанча муддатга берилади?
Ходимлар дам олиш ва овқатланиш учун танаффусдан ўз ихтиёрига кўра фойдаланади.
Мавзуга доир янгиликлар:
Илк бор Ўзбекистон тарихига оид ноёб экспонатлар Британия музейларида намойиш этилади
Экспонатлар жорий йилнинг сентябрь ойида очиладиган кўргазма учун қадимий Самарқанд шаҳридан Буюк Британияга етказилади.
Ўзбекистонлик 10 мингдан ортиқ тиббиёт ходимлари Британияга ишга юборилади
Уларга 3 минг АҚШ доллари миқдорида ойлик маош тўлаш бўйича келишувга эришилди.
Буюк Британияда ўзбекистонлик талабалар уюшмаси очилди
Уюшма келгусида Ўзбекистоннинг бой маданий-маърифий тарихини Буюк Британияда турли тадбирлар, йиғилишлар ва давра суҳбатлари орқали оммалаштиришни ҳам мақсад қилган.
Ўзбекистонлик талабалар Буюк Британияда стажировка ўтайди
Буюк Британиядаги фирмада талабалар учун аграр соҳада стажировкалар ташкил этилади.